Bekkenbauer 78 yoshida vafot etdi.
Nemis futbolchisi Frans Bekkenbauer vafot etdi. Bu haqda Germaniyaning DPA axborot agentligiga tayanib Meduza xabar bermoqda.
Bekkenbauer futbol tarixidagi eng yaxshi himoyachilar qatoriga kiradi. Frans 1974 va 1976-yillarda ikki marta “Oltin to‘p” ni qo‘lga kiritgan ushbu pozitsiyadagi yagona o‘yinchi hisoblanadi.
Bekkenbauer o‘z karyerasining katta qismida “Bavariya” da to‘p surdi. Bu klubda u uch karra G‘arbiy Germaniya chempionati, uch karra Yevropa chempionlari kubogida g‘olib bo‘lgan, shuningdek Kubok g‘oliblari kubogi va Qit’alararo kubokni qo‘lga kiritgan. Ustiga ustak, Bekkenbauer “Kosmos” tarkibida uch karra AQSH chempioni va “Gamburg” tarkibida GFR chempioni bo‘lgan.
Bekkenbauer GFR terma jamoasi bilan 1974-yilda jahon va 1972-yilda Yevropa chempioni bo‘ldi. 1990-yilda Frans Germaniya terma jamoasi murabbiyi bo‘ldi va Jahon Chempionatida g‘alaba qozondi. Shu tariqa, u ham o‘yinchi, ham murabbiy sifatida turnirda g‘alaba qozongan dunyodagi ikkinchi odamga aylandi.
