Osiyodagi tashrif buyurishga rostdan arziydigan 12 ta noma’lum joy
Ta’til uchun hozirgi kunda eng ommabop manzillardan biri – Dubay. Biroq siz ehtimol eshitmagan boshqa: nisbatan ekzotik va tabiatga yaqinroq manzilgohlarni jamlashga qaror qildik.
Palavan, Filippin
Ekologik xilma-xillik jannati bo‘lmish Palavan oroliga ta’tilga chiqing. Dunyodagi yettita yangi tabiiy mo‘jizalardan biri sifatida rasman tan olingan yer osti daryosi bo‘lgan mashhur Puerto-Prinsesani o‘rganing. Stalaktit va stalagmit yaratiqlaridan zavq olgan holda baydarkada g‘or orqali daryoga yetib olishingiz mumkin. Sohil yaqinidagi cho‘kib ketgan kemalarni tadqiq qiling va tabiiy issiq buloqlardan zavqlaning.
Takayama, Yaponiya
Takayama sakura gullaydigan maftunkor maskanlari bilan mashhur. Ekskursiyalar va so‘qmoqlar olcha gullari bilan qoplangan daraxtlar o‘rab olgan qisqa sayrga qo‘shiling. Vagasi mashhur shirinligini tatib ko‘rishni unutmang.
2024-yilning eng muhim voqealaridan biri oktabr oyida har yili o‘tkaziladigan Takayama kuzgi festivali bo‘ladi. Minglab odamlar, shu jumladan mahalliy aholi va sayyohlar, qo‘lda ishlangan, bezakli “aravalar” shahar bo‘ylab “marsh qilib yurish”ni tomosha qilish uchun yig‘ilishadi. Oqshomlar osmonga otilgan qo‘lbola fonuslar yaltiraydi, ko‘hna an’anani esa qo‘g‘irchoqlar namoyishi to‘ldiradi.
Inchxon, Koreya
Yonchjondo va Muidon orollari bilan birgalikda Inchxon Koreyadagi eng yaxshi plyaj shaharlardan biri degan maqomga ega. Shunday bo‘lsa-da, shahar tabiat go‘zalligi va nihoyatda zamonaviy arxitektura mo‘jizalari birikmasi sabab yanada ko‘proq narsani taklif etadi. Volmido madaniyat ko‘chasi, Sorapogu porti, Kvansonbo tarixiy qal’alar yodgorligi singari diqqatga sazovor joylarni ziyorat qiling. Sinpo xalqaro bozori suvenirlar xarid qilish uchun a’lo darajada mos keladi.
Inchxonning 2024-yildagi asosiy diqqatga sazovor joyi iyun oyida bo‘lib o‘tadigan Paradise City dagi Ultra Korea festivali bo‘ladi. O‘zining o‘n yilligini nishonlayotgan konsert afsonaviy artistlar, zo‘r taassurot qoldiruvchi maxsus effektlar, jahon klassidagi prodyuserlik jamoalari hamda o‘tgan yilgidan qolishmaydigan sahna bezaklarini va’da qilmoqda.
Pak-Chong, Tailand
Manzarali plyajlar va bir nechtasi Denni Boylning “Plyaj” filmida ko‘rsatilgan “KxauYay” istirohat bog‘idagi g‘aroyib sharsharalarni aylaning. Sokin lagunalar bo‘ylab sayr qiling, issiq mineral buloqlardan lazzatlaning va shokolad fabrikasiga tashrif buyuring. Pak-Chongdan 2,5 soatlik uzoqlikda joylashgan Bangkok 2024-yilda – Very Festival dan tortib Transmission va Hardmission gacha ko‘plab musiqa festivallari va konsertlar o‘tkaziladigan joyga aylanadi.
Chjanszyansze, Xitoy
Xitoydagi ushbu shahar o‘zining “Avatar” cha syurrealistik manzaralari bilan dong taratgan. Osmono‘par baland monolitlardan tortib Chjanszyansening shisha ko‘prigigacha; yoningizdagi eng yuqori cho‘qqilargacha cho‘zilgan bulutlardan tortib, qoyalarida osilib turuvchi so‘qmoqlargacha – “Chjanszyansze” milliy istirohat bog‘ida hammasi muhayyo.
2024-yilda Chjanszyanszening eng katta diqqatga sazovor maskani – har yili fevral oyida Xitoy yangi yiliga bag‘ishlab o‘tkaziladigan Fonuslar festivalidir. Festival 2000 yildan ortiq an’anaga ega hamda nafaqat qog‘oz fonuschalarni, balki xalq musiqalari, madaniy shoular va badiiy ko‘rgazmalarni ham o‘z ichiga oladi.
Xyue, Vyetnam
Xyue – Vyetnamga sayohat qilganda dam olish uchun ideal maskan. Ko‘plab maqbara va cherkovlarni tomosha qiling, Imperiya shahriga, zamonaviy pivo zavodi bo‘ylab qo‘shimcha ekskursiyaga boring. Elefant-Springsga cho‘milishdan zavqlaning, qisqa sayrga otlaning, qayiqda Xushbo‘y daryo bo‘ylab kezing va devorlarida hanuzgacha yo‘lbars tishlari va tirnoq izlari saqlanib qolgan qadimiy yo‘lbars bozoriga tashrif buyuring.
Agar siz safar vaqtini to‘g‘ri hisoblab, Xyuega 2024-yilning iyun oyida borsangiz, Danangda o‘tkaziladigan Xalqaro mushakbozlik festivalining guvohi bo‘lishingiz mumkin. Mazkur festivalga ishtirok etishni xohlovchi turistlar oqimini qondirish uchun aviakompaniyalar Xyuega har kunlik reyslarni qo‘shadi.
Sent-Jons orollari, Singapur
Manzarali plyajlar va sokin lagunalariga ega Sent-Jons orolini aylaning. Oq qumli va lojuvard-moviy dengiz orolni sokin cho‘milish uchun bop maskanga aylantiradi. Shu bilan birga bu yer bolalar bilan kelish uchun ko‘plab tematik parklar va bolalar dam olish maskanlarini taklif etuvchi Osiyodagi eng yaxshi joy hisoblanadi.
Agar siz Coldplay va Ed Shiranning muxlisi bo‘lsangiz, sayohatingizni Singapurdagi konsertga to‘g‘irlang. “Ko‘rfaz bog‘lari”da shuningdek, 60 ta bronzadan quyilgan yo‘qolib ketish xavfi ostida turgan hayvonlardan iborat 192 metrli platformani ko‘rishingiz mumkin, u may oyigacha namoyish etiladi. Yana bir yorqin voqealardan biri Malayziyada fevral oyida o‘tkaziladigan birinchi Sharqiy Ekspress reysi va sentabr oyidagi Singapurning “Formula-1” Gran-prisi bo‘ladi.
Kratye, Kambodja
Iravadi delfinlar yashash markazi, Cham-Pey sharsharasi va toshbaqalarni muhofaza qilish markaziga tashrif buyuring. Agar maqbul fursatni tanlagan bo‘lsangiz, toshbaqalar tuxumdan yorib chiqishi va dengiz bo‘ylab ko‘chib yurishini tomosha qiling. Quruq ob-havoda Kampi dengizi qishloqlarni bir-biriga bog‘laydigan yasama ko‘priklarga joy bo‘shatib bergan holda quriydi. 2024-yilning dekabr oyida bo‘lib o‘tadigan “Xodzo” musiqa festivali – Kambodjadagi eng mashhur jonli musiqa konsertlaridan biri sanaladi.
Kameron-Xaylends, Malayziya
Kameron-Xaylends ko‘plab tabiat mo‘jizalarning, shu jumladan, lavanda bog‘lari va choy plantatsiyalarining vatani hisoblanadi. Mox bosgan o‘rmonlar bo‘ylab sayr qiling, kapalaklar fermasida vaqt o‘tkazing, Tompson sharsharasiga tashrif buyuring. Shuningdek, Kameron-Xaylendsda eng mashhur cherkovlar, badiiy galereyalar, muzeylar va Malayziya bog‘lari joylashgan. 2024-yilning mart oyida bu yerda Teylo Svift va Rod Styuart ham chiqish qilishadi.
Mirissa, Shri-Lanka
Mirissa, Osiyodagi eng yaxshi hamyonbop joylardan biri, o‘zining instagramdagi maskanlari bilan – sirli plyajlardan tortib dengiz ko‘rinib turadigan restoranlargacha – o‘ziga jalb qiladi. Romantik fotosessiya uchun Kokos palmalari tepaligiga ko‘tariling, spa-markazlarida sokin kun o‘tkazing yoki maftunkor kunbotish ruhidan zavqlaning.
Shri-Lankaning mashhur kulinariya festivali Gourmet Galleda bu yili 12ta maydonchada mahalliy masalliqlardan va xalqaro oshxonalardan taom tayyorlaydigan 12ta shef-oshpazlar ishtirok etishadi. Tadbir yanvardan martgacha 12 hafta davom etadi.
Megxalaya, Hindiston
Hindistonning shimoli-sharqida joylashgan Megxalaya mamlakatdagi eng chiroyli maskanlardan biri sanaladi. Kristal toza ko‘llar, tirik ildiz ko‘priklar va quyuq yam-yashil kanyonlarga mahliyo bo‘ling.
Shillongdagi sakuraning gullash festivali uning 2016-yilda o‘tkazilganidan beri asosiy diqqatga sazovor joyga aylandi. Gullagan sakuralarga burkangan yo‘l va bog‘lar jozibador tomosha ruhini yaratadi. Yoki dekabrda Megxalaeda o‘tkaziladigan The Hills festivaliga – har yilgi musiqa, taom, san’at va mahalliy aholi va turistlarni birlashtirish sehrli tomoshasiga borib ko‘ring.
Taybey, Tayvan
Ajoyib tungi hayotdan zavqlaning — diskotekalardan tortib, pivo zavodi sifatida xizmat ko‘rsatadigan barlargacha. Disneydan Hello Kittygacha bo‘lgan noyob tematik kafelar hech qachon zerikmasligingizni ta’minlaydi. Shaharning tabiiy issiq buloqlarida cho‘milishdan yoki shovqin-suronidan yiroqda – mo‘jazgina g‘aroyib choy shaharchasi – Maokongda choy ichishdan zavqlaning. Agar siz Sleshning muxlisi bo‘lsangiz, mart oyida Taybeyga uning gitara yakkaxon konsertini tinglash uchun boring. “Europe” shved rok guruhi fevral oyida ham chiqish qiladi, mart oyida esa Tom Jonsning konserti bo‘lib o‘tadi.
